President Hong Kong – Cream Cheese Butter

Skip to content

主頁
芝士
忌廉
牛油
「總統牌積買積賞」獎賞計劃
關於我們
聯絡我們
English

芝士

車打芝士

查看所有芝士

淡忌廉

查看所有忌廉

忌廉

牛油

無鹽牛油

查看所有牛油

總統牌社交平台

@hkpresident

【窩心推介：母親節紅絲絨蛋糕】

今年母親節，推薦大家同媽咪共享廣受歡迎嘅「紅絲絨蛋糕」！

除咗主要材料——紅菜頭，又點少得總統牌兩大皇牌產品——無鹽牛油、淡忌廉坐陣？揀啱優質既乳製品材料助你輕鬆焗製鬆軟蛋糕層、打發幼滑鮮忌廉，口感配搭零失敗；加上產品由法國製造，夠晒Premium，同媽咪至高無上嘅地位襯到絕！

就快到母親節，即刻入手食材，親手準備呢份心意滿滿嘅「禮物」啦！

#President #總統牌 #無鹽牛油 #淡忌廉 #母親節快樂

【新口味，由你話事！】
嚟自法國嘅總統牌擁有50年製作乳製品嘅豐富經驗，雖然優質產品為人所熟，不過品牌從未停步，一直致力研發更多廣受大眾喜愛嘅產品。

總統牌片裝芝士提供6款味道，為大家帶嚟無窮芝味，如果喺不久嘅將來，片裝芝士「家族」增添一位「新成員」，你哋最期待嘅又係邊款？投票比啲提示我哋吖！
👍🏻特濃車打
❤️黑椒味
😄燒烤味
😯松露味
🥰煙燻味
😡特濃奶滑

#President #總統牌 #片裝芝士片 #密切期待新口味 #投選你最喜愛嘅味道

佳節要過得歡騰，除咗要同重要嘅人一齊分享，當然唔少得能夠傳遞快樂嘅美味食物！

可愛又應節嘅聖誕 Cupcake 唔單止可以做派對點心，包裝成為甜品禮盒送俾摯友一樣適合。而蛋糕上嘅忌廉層更係美味嘅精粹，用總統牌淡忌廉打發而成嘅厚厚忌廉層，質感綿密軟滑、甜度適中，每一啖都讓人食出滿分幸福，不禁一啖接一啖。

想透過味道同摯愛分享佳節喜悅？簡單製作令人無法抗拒嘅忌廉甜品就係最佳選擇！

#President #總統牌 #淡忌廉

嚟到十二月，街上各式各樣嘅聖誕裝飾總會令人停低腳步，望多兩眼。其實加啲心思同創意，你同我都可以自家製作儀式感滿滿嘅聖誕樹，為家中增添濃厚節日氣氛。

唔少坊間嘅烘焙用品店有賣星形曲奇模，只要焗好曲奇塊，將佢哋由底至高、由大至細，逐層疊起（每層之間可以用朱古力黏合），再按喜好加上糖霜、朱古力漿、迷你棉花糖等，一棵玩得、睇得，仲食得嘅「立體曲奇聖誕樹」從此誕生！

「立體曲奇聖誕樹」唔單止外形亮眼，重點係用上總統牌無鹽牛油焗製嘅曲奇牛油味香濃、鬆脆無比，定必成為聖誕派對嘅亮點！

#President #總統牌 #無鹽牛油

喺中秋佳節同身邊摯愛望住明亮清澈嘅月光、享用精緻嘅節慶美食，簡直圓滿！而親手製作嘅糕點，唔單止比街外買嘅版本更啱自己口味，更承載住滿滿心意。依家一於準備好優質材料，跟我哋一齊學做金黃酥脆、牛油味香濃嘅蛋黃酥，自用送禮都適宜！

#President #總統牌 #無鹽牛油 #蛋黃酥 #食譜分享 #祝大家中秋節快樂

夏天嚟到，健身室寧舍多人，睇嚟大家都唔敢怠慢，努力維持完美體態！除咗做運動之外，控制飲食都好重要，如果想同時追求健康同美味，不妨揀啲脂肪較低嘅輕怡食材。

總統牌輕怡芝士粒只含 8% 脂肪，並含有豐富蛋白質，流完汗配搭方便嘅芝味輕食，肯定事半功倍！

#President #總統牌 #輕怡芝士粒 #盛夏芝味

難得天晴，唔少人都心癢癢外出，希望玩轉呢個盛夏！不過近排嘅天氣實在酷熱，總統牌提提大家，玩完戶外活動，記住要食嘢、飲水，補充夠體力先有精神繼續下一場㗎。

總統牌片裝芝士芝味濃郁，做完運動嘆份 comfort food，肯定比平時更滋味！

#President #總統牌 #片裝芝士片 #盛夏芝味

【跟專業烘焙師學做 Jar Cake（罐裝蛋糕），成為閨蜜派對甜心！】

唔記得由幾時開始，吸睛嘅蛋糕成為咗每個派對嘅焦點。每次聚會之前，總會搜羅城中最熱門、最啱打卡嘅蛋糕款式，希望可以同朋友仔留低夢幻回憶。

不過，就算蛋糕外型點討好，好味至係皇道。今次，我哋邀請到人氣烘焙店 Sparks & Cakes 主理人 Heidi 分享幾個簡單貼士，教大家打發出厚滑嘅鮮忌廉，以及焗製鬆軟嘅海綿蛋糕層；加埋新鮮士多啤梨，三者完美配合，旋即組成充滿粉紅泡泡嘅 Jar Cake。每杯份量精巧，啱晒同閨蜜齊齊分享呀！

依家就用法國製造嘅總統牌牛油、淡忌廉，逐步跟住以下貼士同食譜（食譜放咗喺留言欄），準備下一個派對啦！成個製作過程一個鐘多啲就搞掂！

♥厚滑鮮忌廉打發貼士♥
1. 糖霜與總統牌淡忌廉的比例為1比10，即20克糖霜與200克淡忌廉
2. 打發淡忌廉時，可於碗的下面放一盤載有冰的水，這樣更易打發；千萬不要過度打發，忌廉變稠身即可

♥鬆軟蛋糕層焗製貼士♥
1. 牛油必須保持室溫
2. 開始製作時，先把麵粉與牛油拌勻，這樣有助抑制麩質的形成，而且產生非常柔軟的麵包屑
3. 確保先拌勻所有乾燥的材料

#President #總統牌 #無鹽牛油 #淡忌廉 #CakeInAJar #喺屋企簡易做

日本可以話係「甜品天堂」，當地出品嘅每一件精緻甜品都能夠滿足大家嘅味蕾、震攝各位嘅眼球。喺仲未可以隨時返「鄉下」嘅時候，不妨用上總統牌淡忌廉製作人氣極高嘅日式甜品──卡達拉娜，配以日本甜品店嘅餐桌佈置，保證你猶如置身喺旅程之中呀！

想知點整？留言拎食譜啦！

#President #總統牌 #淡忌廉 #甜品天堂 #卡達拉娜

日想夜想，最想就係去旅行。最新消息話「港人鄉下」──日本將近開放返比遊客入境，可惜返嚟香港仍有限制…… 其實，踏入春夏季，香港都有好多賞花好地方㗎！不妨先自製一道充滿日式風味嘅料理（特別推介用總統牌片裝芝士，簡單製作「流心芝士玉子燒」），再一邊賞花一邊野餐，咁就可以止止旅行癮啦！

#President #總統牌 #片裝芝士

【總統牌於佳節為你傳遞心意！】

嚟到五月，心水清嘅朋友一定記得有母親節！總統牌一直 stand by you，支持你喺每個佳節以手作美食向摯愛傳遞心意。當中，嚟自法國嘅牛油嚴選優質牛奶而成，香濃幼滑，係焗製甜品嘅不二之選。

邊種曲奇最能打動媽媽嘅心？一定係你用誠意親手製作嘅嗰一款！

#President #總統牌 #無鹽牛油 #母親節快樂

【#留言拎食譜爆紅布甸麵包！】

如果有人問：「近排有邊啲爆紅甜品值得試？」我會話「法式布甸麵包」一定榜上有名！不過突登去買，唔單止要排長龍，排到自己又可能售罄，有得自己喺屋企整嘅話，就最好不過。

一於跟專業烘焙師創作嘅食譜，一步一步神還原呢個滋味甜品啦！當中會用到嘅總統牌淡忌廉同無鹽牛油，百分百牛奶製造，可以增添滑溜口感同牛油香味。

想一探詳細步驟？留言拎食譜啦！

#President #總統牌 #無鹽牛油 #淡忌廉 #法式布甸麵包

【總統牌・生活總有芝味】

總統牌具備超過50年生產優質乳製品嘅經驗，每一片總統牌片裝芝士都係法國製造，寧舍滋味！

唔好睇少呢一小塊車打芝士片呀，佢嘅芝味出眾、創意食法無限，簡單配搭新鮮蔬菜、火腿片，就已經可以製作出美味滿載、營養豐富嘅三文治，時刻為生活添上芝味，陪你渡過健康每一日！

#President #總統牌 #生活有我哋陪你過 #生活總有芝味 #六款口味 #片裝芝士

【#品茶有道綠茶搭配邊類茶點最夾？】

若然新年想「清清地」，或者覺得濃茶味重又苦，綠茶亦係另一受歡迎嘅選項。好似龍井、碧螺春甘甜醇和，飲落舒服，㗳下㗳下又飲足成日！

而綠茶最適宜搭配甜食，例如新年必備嘅各式甜糕、或者象徵「團圓」嘅湯圓等，甜食可以中和茶嘅苦澀，而綠茶同時又可以幫助抑制糖分吸收，兩者簡直係 perfect match！

今個新年，就用一壺上乘綠茶、再加上用總統牌牛油或忌廉做出一道意頭甜食，配以最放鬆嘅心情享受假期啦！

流沙奶皇湯圓食譜：https://bit.ly/CNYRecipes2022

#President #總統牌 #無鹽牛油 #淡忌廉 #年又過年 #祝大家新年快樂

【#品茶有道濃茶搭配邊類茶點最夾？】

茶，係過年不可或缺嘅一環。沖壺熱茶，陪伴長輩同親友摸摸杯底、傾傾偈，總覺時間過得特別快！

中國茶種類繁多，如果搭配得宜，就能夠同茶點發揮互相加乘嘅效果，令茶更好飲、茶點更好食。好似普洱、工夫紅茶味濃而帶苦，可以中和甜膩點心嘅油膩感，就算食多幾啖，都唔怕飽滯不適。

今個新年，準備一壺濃茶之餘，一於以總統牌牛油自家製作多款香脆嘅賀年點心招呼親戚朋友啦！

賀年點心食譜 : https://bit.ly/CNYRecipes2022

#President #總統牌 #無鹽牛油 #年又過年 #祝大家新年快樂

【#煲劇好物推介特快製作港味小食】

煲劇煲到唔願郁、唔願瞓，相信你同我都試過！不過坐咗咁耐，難免要啲滋味小食提下神、充下飢。

總統牌無鹽牛油粒絕對係你嘅煲劇神隊友！佢細細粒、一開就搽得，用嚟整香脆鮮油多，認真乾淨又快手呀！唔講咁多，食完又要繼續煲喇。

#President #總統牌 #無鹽牛油粒

【#睇片良伴推介浪漫MV配咩小食好？】

睇戲、煲劇要講心情，食嘢都一樣。如果揀啱氣氛相應嘅滋味小食，肯定會睇得份外投入！

好似睇喜劇要食爆谷、睇合家歡電影要食雪糕… 咁睇浪漫愛情MV呢？梗係要嘆返件 Apple Pie 喇！一於用總統無鹽牛油焗個香甜蘋果批（加埋雪糕正上加正！），然後開套甜到漏嘅MV，一路食一路睇，真係諗起都滿足呀！

#President #總統牌 #無鹽牛油 #甜蜜ApplePie有我伴

【中秋點只得月餅？節慶新派美食提案！】

相比起傳統嘅蓮蓉月餅，有人更愛皮薄又有嚼勁嘅冰皮月餅！唔單止因為佢易於DIY自家製作，而且只要運用少少創意，就可以創造多款口味嘅餡料，唔驚食到口寡寡！

而其中一款最受歡迎嘅月餅口味──「流心奶黃」正正可以用上總統牌淡忌廉加以製作。今個中秋一於試整「流心奶黃冰皮月餅」，一邊享用味道豐富、質感幼滑嘅節慶美食，一邊同屋企人觀賞清澈嘅月光喇！

#President #總統牌 #淡忌廉 #冰皮月餅 #祝大家中秋節快樂

【中秋點只得月餅？節慶傳統美食提案！】

相信唔少人近排都開始忙於搜購中秋禮盒同月餅，其實除咗傳統月餅，「蛋黃酥」亦係不二之選！香濃牛油味嘅酥皮包裹住豆沙、鹹蛋黃，味道甜而不膩。

而「蛋黃酥」嘅外表同圓月有幾分相似，亦可帶出團圓嘅寓意。今個中秋，一於試下用總統牌無鹽牛油親手製作香脆可口嘅「蛋黃酥」，將呢款應節得嚟又滋味嘅節慶美食贈送比對方，保證佢一定鍾意！

#President #總統牌 #無鹽牛油 #蛋黃酥 #祝大家中秋節快樂

【上課了！親子便當簡單學】

暑假期間，相信各位爸爸媽媽都絞盡腦汁，悉心為小朋友安排至FUN活動！其實，閒時同小朋友煮吓嘢食，除咗可以俾佢哋認識各種食材同其特性之外，仲可以增進親子之間嘅合作性同感情𠻹！一於睇吓以下貼士，製作親子便當啦！

1️⃣製作便當必備工具
✔️各種各樣嘅飲管：可以利用唔同嘅飲管作為形狀切割嘅工具，好似製作卡通人物嘅眼睛、鼻子、嘴巴等圖案
✔️曲奇模具：可以利用圓形、星形、花朵形等曲奇模具切割適合嘅圖案

2️⃣製作便當小貼士
✔️選擇適合嘅便當盒：記得先將淋上醬汁嘅食材，例如咖喱，放喺小容器中，然後再將小容器放喺便當盒中
✔️將忌廉芝士當作食材嘅「漿糊」：利用忌廉芝士將食材粘合，有助變化出唔同造型

#President #總統牌 #車打芝士片 #簡單易上手

【上課了！親子便當簡單學】

日本媽媽設計嘅便當出名有創意，睇得又食得。今個暑假，各位港媽都可以趁有時間搞搞新意思，整個驚喜卡通便當俾小朋友，相信一定好受佢哋歡迎之餘，仲可以增強食慾𠻹呀！即刻睇吓有咩製作便當嘅小貼士啦！

1️⃣製作便當必備食材
✔️片裝芝士：片裝芝士顏色鮮艷又易於剪裁，用嚟製作造型嘅細節最適合不過
✔️紫菜：紫菜係便當入面最常見嘅食材，皆因容易剪裁又易於配搭各種有趣嘅造型

2️⃣製作便當小貼士
✔️以單一設計為中心：單一造型較易成為視覺焦點，剩低嘅食材可以放喺四周作為襯托，達到畫龍點睛嘅效果
✔️烹調前先切蔬菜：先修剪蔬菜形狀再烹調，唔係嘅話，熟透嘅蔬菜可能會太軟而增加修剪形狀嘅難度

#President #總統牌 #艾民頓芝士片 #簡單易上手

人總係得一想二，喺夏天想食 Light 啲但又唔想口味太寡，究竟點解決好？

其實只要轉一轉食材，同樣可以滿足你對健康、美食嘅追求！總統牌提供輕怡無鹽牛油，即使用佢嚟整 Crepe 定 Apple Crumble，都唔怕有罪疚感啦！

溫馨提示：
輕怡無鹽牛油嘅脂肪含量比一般無鹽牛油低25%

#President #總統牌 #輕怡無鹽牛油 #最緊要有得揀

每個人都會隨住唔同嘅心情，揀選唔同口味嘅食物。而「天氣」呢個因素亦都有影響，就好似喺炎炎夏日，總會想捨棄重口味，轉食 Light 啲！

總統牌多款產品提供輕怡版本，今個夏日一於用輕怡淡忌廉整返個透心涼嘅海鮮沙律、鮮果奶昔嚟達成至 Light 願望啦！

溫馨提示：
輕怡淡忌廉嘅脂肪含量只有4%

#President #總統牌 #輕怡淡忌廉 #最緊要有得揀

探索
總統牌積買積賞」
獎賞計劃

擁有50年乳製品製作專業及經驗，
為法國的市場領導者

私隱政策聲明
條款及細則
聯絡我們

Scroll to Top